Taskaram Kesa dow Sakorɗe Nebbam Naajeeriya

Ngomnati lesdi Naajeeriya andini dow timmini taskaramji hoosuki jabruɗe moinki sakorɗe nebbam lesdi ndin fuu no foti, ngam tabutunki hakkilankiɗe no handi les ceede nastooje ɗe heɓetee iga kompaniiji filooji nebbam iga lesɗe yaasi les taskaram kesa ka haɓɓidaa.

Ministaajo nebbam pamaro mo lesdi Naajeeriya, Dr. Ibe Kachikwu on tabbitinikaa nyande alhamisa haa giidal ngal o waadi bee majaliisa ndotti’en lesdi ɓaawo tuuma ka majaliisaaru ndun tuumi dow goɗɗum ‘yattuɗum ɗatal ɗon a’ye doggineeki nder sakorde nebbam potakol.

Majaliisa ndotti’en lesdi nder diidol ndol ɓe diidi haa jonde maɓɓe nyande 31 lewru may, nder tefre nde Senator Mohammed Sabo wakkiloowo jihawol Jigawa,waddi yeeso majaliisaru ndun tuumi ngomnati kawtal lesdi Naajeeriya bee hoosuki jabruɗe dunganki kompaniwa nebbam nga AGIP/ENI e Oandu Plc moinki sakorde potaakol ko luuti tokkuki laabi kanduɗi haala ka fooɗi tigguki komitiwa ngonga ngam wiɗutuki hefta gonga haala kan.

Amma haa jonde heɗutuki raayu ummaatoore geɓe marɗe juuɗe dow haala kan iga Ofisru seketereejo ngomnati lesdi Naajeeriya, O fisru ministaajo peturuljam mo lesdi e darektaajjo mawɗo mo kompaniwa peturuljam lesdi (NNPC), Dr. Maikanti Baru e goɗɗi hukuumaaji fuu fewni haala kan.

Nde O jaabanno komitiiru ndu senator Abubakar Kyari ardani ministaajo nebbam mo lesdi andini komitiiru ndun haala moinki sakorɗe nebbam ɗum hukuuma maako on wangini ka nden ka filitan sakorɗ nebbam lesdi Naajeeriya uu no foti naa nde potakol tan.

Gurin

Hiitordu Ɓurdundu gasnani Obaseki nasaraaku Cuɓi

Hitordu ɓurdundu nder lesdi Naajeeriya gasnani ngomnaajo jihawol Edo fombinaare lesdi Naajeeriya, mo jamiyawa APC Godwin Obaseki nasaraaku haa wullandu ndu naada dow wattam cuɓ ngomnaaku jiha kan.

Hiitordu ndun marndu hiitooɓe jeweegoo les ardungal hiitoowo lesdi mawɗo, Justice Walter Onnoghen meedi wullandu ndu ndu tefuɗo korowal ngomnaaku jiha kan naadi les ililal jamiyawa PDP Pastor Osagie Ize – Iyamu naadino yeeso maaru sababu soynde himmiɗinaare wullandu ndun e hujjaaji keyɗi.

Kiitoowo John Okoro janguɗo kiita kan dow darnde luttuɓe hiitooɓe andini wullandu ndu tefuɗo korowal ngomnaaku les ilial jamiyawa PDP naadi laafi relli hujjaaji cembiɗɗi hujja ka waɗi hiitordu ndun wicci haala kan.

Nden hiitordu ndun andini 24 lewru jeweeɗiɗabre ndu july dow nyaloomaare nde wurtinki hujjaaji hiitordu ndun banguɗi dow wiccuki haala kan.

Gurin/VON