Barrister Ibrahim Tahir Talban Ganye Alkalin Alkalai Adamawa

Barrister Ibrahim Tahir Talban Ganye joginooɗo joɗorgal Anthony General e leydi Adamawa State Nigeria

Barrister Ibrahim Tahir Talban ganye wuuro wonngo Ley laamu Adamawa. Wuuro Ganye ko non tigi ɗum barke a teddungal laamu Talba mo Ganye. e jooni ɗum ɓeydi e laamu Mawɗo kitotooɓe Adamawa ngam wakkilaade maako e tinnaare maako hawtaade Ballal maako faago yiimɓe yeeso e wallude ɓamtugo risku (economy) e Dawrugol leydi Adamawa, hawtaade e tiɗal maako e teddungal maako Mawɗo Annduɗo kiitaji nden Hooreejo (Commissioner) kitotooɓe e leydi Adamawa, nden Neɗɗo manirteeɗo to Wuuro Ganye nden e ɓeydaari ndi o heɓii laamu joɗorgal Mawɗo kitotooɓe (Alkalin Alkalai) to Adamawa State Arandeejo, Ko non tigi kala Laamiiɗo keɓɗo joɗorgal laamiiɗo Fommbina o hakkan (o hokkay) neɗɗo Ganye wolla Toungo laamu. Arandeejo (1) kannko woni Hooreejo Dawrugol PDP jippiido Alhaji Bamanga Tukur hakkaaɗo teddungal laamu Tafiida Adamawa, nden ɗiɗaɓo (2) woni Cukko Hooreejo Nigeria ko hitaande 1999 yaago 2007 kannko woni Alhaji Atiku Abubakar jagiiɗo laamu Turakin Adamawa, tatabo (3) kannko woni Alhaji Koyranga Jada kannko woni Matawallen Adamawa nden ɗum jippiniimo e waktu Laamiiɗo o’o mo jooni, fof Fuu ɓe’e Tedduɓe innaaɓe (noddaaɓe) ɓe jiwoyi (wurtoyi) Wuuro Jada, nden ɗi fof (fuu) ɗiɗi (2) e nder e laamu Ganye e Toungo, nda Barrister Ibrahim Tahir Shehu kannko woni Arandeejo e nanduɗo e maako, Talban Ganye Arandeejo nden Arandeejo e laamorde Adamawa hakkaaɗo laamu Mawɗo kitotooɓe (Alkalin Alkalai) ko yii’ete go’o e ɗo’o kanjum laamu Mawɗo kitotooɓe (Alkalin Alkalai) wonaa (naa) ɗum woni foɗɗaano maajum to laamorde ngam tigi maajum heɓaama e ley laamu (Dowla) Usman ɓii Foodiyo, nden tabbitinaa’ɗum wiigo Shehul Islam Usman ɓii Foodiyo Hooreejo (Aardiiɗo) juulɓe ɗum kaliifa Dawla Sokoto o lammini Laamiiɗo Mawɗo kitotooɓe (Alkalin Alkalai) e waktu laamu maako no nden roniɓe-mo. fof (fuu) e laamuuji men ɗi jooni e laamiiɓe e Hooreejo (laamuuji) Dawrugol e ɓe tokko gaɗa kaliifa Sokoto, laamuuji ɗuuɗɗi faa jooni ɓe kewaayi, kadi laamiiɗo mo jooni o neɗɗo dariiɗo e dow wiigo e mo tokki no laamu Usman ɓii Foodiyo. Ngam o ɓeydi artirgo (wartirgo) laamuuji goɗɗi yejjitaaɗi, e men yottina Yettoore amen to Mawɗo Amen Dr Barkinɗo Aliyu Mustapha ngam halaji maako mojjuɗi. Nden Darnde maako e teddungal maako ngal, e yiiɗindirde e Teddingo goto e nder Amen e wongo maako neɗɗo Ganye, MI tabbiti wiigo leydi ndi’i wonaa (na) dum leydi Demal tan nden wirtingo yiimɓe Tedduɓe ɓe Ganye mo ɗum sigani manngu e heɓɓingo Teddungal maako so (to) neɗɗo on ɗon Mawɗo Tedduɗo Giɗo Pulaaku wiyteeɗo Barrister Ibrahim Tahir. O neɗɗo walloowo faago yeeso yiimɓe. e Bamtugo yiimɓe men no feewi no feewi, nden Gollidoowo e ɗemngal Fulfulde ngam yidde Pulaaku, on jaaraama,

Nden to yejjite Tokkemen e Facebook page amen woni Fulbe Media ngam yiigo nate (pictures) nyannde nde ɗum watta kawral laamu maako kala so (to) ngonɗon fof on yii’an (yii’ay) ay ko watte fof (Fuu) ko ɗum waɗete, facebook Fulbe Media