Ardiiɗo lesdi Naajeeriya hiddeekoojo, Yemi Osinbajo,andini dow O yilli berniwol London on ngam O laarana gite maako yaake njamu ardiiɗo lesdi Naajeeriya Muhammadu Buhari.
Dillani lebbi ɗiɗi jotta ko ardiiɗo Buhari yahi lesdi burtaniya ngam tefre nyawndiigu.
Mr. Osinbajo ballo maako lattuɗo bo ardiiɗo lesdi Naajeeriya jotta ɗo haalida bee ardiiɗo on her laabi mlengi maatootiro tum, amma O wi handi O yaha O yilla jaagorɗo maako ngam O andina ɗum goɗɗum nder haalaaji sirri ngomnati e faal yeeso ko heɓaa les ardungal maako.
Nde O haalanno kubaru’en nder faada ardiiɗo lesdi fodde ɓe fuɗɗa giidal majaliisa lesdi ngal doggintee kala asaweere fuu, Mr. Osinbajo wii, “Min yewtidi Wakkatiyel jungle, min haalidi dow kuujeeji ɗuɗɗi , O ɗon nder njamu Oɗo yaake boɗɗe O heɓi njamu no a tammi fuu O ɗo heɓa daama sanne”.
“Min ngewtidi ngewta njudka, min haalidi ko ‘yatti sa’a go’o oɗo saati kolong”.
Nde O ‘yamaa dow yaake wartuki ardiiɗo Buhari boo Osibanjo wii “ko ɓadi ardiiɗo Buhari wartan O wartan ɓadiiɗum”.
Gurin/VON
Fulbe Media 
On njaaraama he goolemon
LikeLike
Woodi sanne yoo Allah mballu
LikeLike